Қаржылық есептіліктің аудиті — бұл тәуелсіз тексеріс, оның барысында біздің мамандар қаржылық ақпараттың шынайылығын және есептіліктің қолданыстағы стандарттарға сәйкестігін бағалайды.

Біз келесі негізде дайындалған есептіліктің аудитін жүргіземіз:

• • Халықаралық қаржылық есептілік стандарттарына (ХҚЕС);
• • Ұлттық қаржылық есептілік стандарттарына (ҰҚЕС).

Аудит түрлері:

• Міндетті аудит — Қазақстан Республикасының заңнамасында көзделген жағдайларда жүргізіледі.
• Бастамашыл аудит — компания иелерінің, инвесторлардың немесе басшылықтың шешімі бойынша жүргізіледі.

Міндетті аудит қажет болған жағдайлар:

• • акционерлік қоғам болып табылса (банктерді, сақтандыру компанияларын, зейнетақы қорларын қоса алғанда);
• • бағалы қағаздар нарығында қызмет атқарса немесе инвестициялық портфельдерді басқарса;
• • мемлекеттік немесе қаржы ұйымының еншілес құрылымы болса;
• • преференциялар берілетін инвестициялық жобаларға қатысса;
• • табиғи монополия субъектісі немесе азаматтық авиация саласының қатысушысы болса;
• • бағалы қағаздар шығарса;
• • иелерінің шешімі бойынша қайта ұйымдастыруға, таратуға немесе сатуға жатса;
• • заңнамада белгіленген өзге де жағдайларға сәйкес келсе.

Бастамашыл аудит келесі жағдайларда жүргізіледі:

• • компания басшылығының немесе иелерінің шешімі бойынша;
• • инвесторлар немесе акционерлердің сұрауы бойынша;
• • инвестиция тарту жөніндегі келіссөздерге байланысты;
• • иелері, басшылығы немесе бизнес құрылымы өзгерген кезде;
• • қайта ұйымдастыруға, сатуға немесе біріктіруге дайындық аясында;
• • мүдделі тараптарға (шетелдік инвесторлар, қор биржасы және т.б.) есептілікті ұсыну қажет болған жағдайда.

Сіз не аласыз:

• • Қаржылық есептіліктің шынайылығын растайтын аудиторлық есеп;
• • Кәсіпорынның қаржылық-шаруашылық қызметіне талдау;
• • Есеп пен ішкі бақылау жүйесіндегі қателер мен кемшіліктерді анықтау;
• • Оларды жою бойынша кәсіби ұсынымдар.